各位喜歡水晶的朋友們，歡迎到來水晶小舖的網頁，我是小舖店主June。希望本網頁可以提供令大家滿意的水晶服務，亦希望大家喜歡這個網頁，繼續支持我∼

小舖成立於２００２年，由網上商店開始。全賴各位的支持 與認同，終於在２００４年開設了門市店舖，希望大家係購買水晶既同時，可以建立正面既水晶知識，亦希望大家係討論版可以多多交流水晶心得∼咁大家買到假水晶既機會就會低好多啦^^

由於市面上實在有太多人對水晶有誤解，或者誤導，甚至已經習以為常將錯既水晶知識／資料當是對的！所以我在討論版中分出一個區域，希望可以好好同大家研究一下正確既水晶知識。

為左增加大家對小舖所售賣既水晶既信心，我就修讀左『香港珠寶學院』舉辦既『水晶鑑別與採購課程』 、『水晶鑑定進階課程』同埋『水晶鑑定高階課程』，有證書架！(下圖)

當然我唔會因此而滿足啦，我亦都想嘗試搵一ｄ香港小見既石種放係舖頭賣，就算大家唔係買，黎睇下見下實物都唔錯啊∼例如小舖都算係最先一批大量引入粉紅澳寶，同埋紅色剛玉架！諗落真係好有成功感的^^

踏進２００５年，小舖引進一部鑑定水晶既其中一部儀器－偏光儀　置於店內，並在店內提供科學化的水晶鑑定服務(唔再係就咁feel下冷熱架啦！) 希望大家支持支持啦！到時會用十倍鏡同埋偏光儀為大家既水晶進行鑑定，可靠得多啦！

小舖店主在此希望各位新既一年事事順境∼　大家多多支持小舖啦^^

接住落黎我會解答下大家對小店價錢上既問題∼

點解你地ｄ水晶咁平既？我見出面幾百蚊一條白晶，你地幾十蚊就有，係咪真架？質素咪一定好差？

如果你問得呢條問題既，恭喜你！你搵岩地方咯∼

首先，我地小店買既一定係全天然水晶，而且係直接同大廠拎貨。我地可以咁平既原因有２個。

第一，我地既門市個舖位好細，而且上至老闆，下至打雜都係小店店長『一腳踢』，同其他水晶大舖比，每個月既租金上的差價，人工，水電，燈油火爉等等，可以平成幾萬蚊(差唔多有６－７萬)∼咁成本低，自然回饋顧客啦∼同樣道理，『羊毛出在羊身上』，幾百蚊一條白晶，你諗下你幫你人交左幾多錢租？交左幾多錢人工？

第二，我地既水晶係直接同香港大廠拎貨既。水晶及手工質素絕對有保證。佢地個個買手都有FGA寶石鑑定證書既，而且所有由採石，打磨，切割，等等既工序都係香港廠內完成。另外，由於我地跳左批發果一層，直接同大廠拎貨。成本可以平ｄ之外，有第一手靚野都可以揀先啦^^，所以我地貨既質素一定比大陸貨優勝∼

第三，我地本身係做埋批發，變左拎貨量多，所以成本就可以拉低好多。同時批發零售一樣價錢，所以零售個價可以做到好平呢∼

點解你地ｄ水晶咁貴既？我見出面廿蚊條紫晶，你地賣成幾百蚊，有咩分別？

有！絕對有分別！分別就係養晶／入色同天然水晶既分別！

正如我所講，我地同大廠入貨，長遠黎講成本上會貴過返大陸拎貨∼不過肯定拎番黎既一定係全天然既靚貨！

大家都知道，而家市面實左太多合成水晶，天然既水晶要幾百萬，幾千萬年先可以形成，老實講，２０蚊有一條天然既，你信唔信？由開石，運送，打磨，切割，直到你手成本廿蚊都唔洗？！大家諗清楚ｄ就知當中一定有ｄ問題啦∼

結論:

識貨既就知道其實小店既水晶真係物有所值，講多無謂，過黎比較一下最實際，唔怕貨比貨架！