丹尼王子 寫:
ic, 咁如果我/或者好多朋友對好多水晶都未有咩感覺,咁點樣去憑自己o既感覺去分辯呢 所以我覺得有多D o既水晶研究資料去參考會好好多!
或者舉個例呀,if 完全冇水晶o既客觀資料,e.g. 差唔多所有資料都話紫水晶係對應頂輪或眉心輪,咁if 有D人話憑佢o既感覺係feel到係對應海底輪!! 咁咪變o左「紫水晶對應海底輪」又成立o羅?! 咁會唔會就搞到宜家所有水晶o既客觀資料都瓦解呢?!?! (cos 全部都係因人而異!)
所以,我個人覺得,有多D客觀、較為科學、較有系統o既資料比水晶用家參考會好好多!! (尤其是係"初心者"(新手)):D
其實你睇真D上面你自己講既野, 已經係自打左咀巴,
第一段話要搵理性分析既資料會好好多,
第二段就話理性既資料係瓦解
咁究竟你目的係想搵資料, 定係去否定一D資料?
如果你話用客觀、較為科學、較有系統o既資料去分析水晶,
咁只可以套用於水晶鑑定分真假, 絕不能套用係能量呢個範疇.
因為呢個範疇每個人都有自己既見解, 感受同體會而得出自己既定論
而每個人對強弱, 走咩輪位, 都沒有全球一致的標準, 咁明知唔會有標準答案,
再問有什麼意思?
你而家就係周圍去問人, 用人地既見解當係自己既見解.
呢個方向本質就是有偏差,
你而家自己做緊既野就係
不停同一條問題問A, 問B, 問C, 你希望大家都係答同一個答案, 咁你就會當果個答案係自己既答案, 但如果C答既答案同A&B唔一樣既時間, 你又點呢?
去問D, E ,F????
咁行落去, 目的地係邊呢? 你想問到全球答案一致? 你想問到那一個位才滿足?
兜咁大個圈不如問下你自己, 你自己既答案是什麼?
如果你硬要用科學理性去分析水晶能量
我可以好肯定同你講, 你再問一千個一萬個, 再花多小年分析, 都不會得到你的答案, 就算一個科學家, 都不可以用科學分析到水晶既能量強弱, 走動既流向, 只係可以分到真同假. 咁何況只係一個平凡既人.
當然說話我只會講一次, 如果你堅持你既理念係無錯既, 問題只係出係我度既, 咁都只可以話你知, 我呢個討論版都幫唔到你, 因為大家方向同理念都唔同, 你亦唔需要再係我度搵到理性既資料
我地呢度主張既係, 用自身去感受水晶既能量, 每個人都有自己既體會.
簡單呢講, 舉個例, 針吉肉有幾痛? 我地會叫你地各自吉一下, 有幾痛你自己感受到, 而你既做法就係周圍問你針吉肉有幾痛, 自己永遠唔去吉自己一下? 咁你叫人點講你知有幾痛先??
唔好話你FEEL唔到水晶, 問心, 你花左幾多時間, 幾多心機去學習FEEL水晶先? 好多時呢D都係借口, 或者你自己已經同自己講我FEEL唔到, 點解FEEL唔到, 咁就唔會FEEL到囉, 好簡單
我相信你問問題都會發覺成日都無人覆你, 其實唔係人地唔想覆你, 而係你問既問題跟本係問得有問題, 令人無法回答. 有時答左你, 你又好興奮以為條路行得岩又繼續問落去, 其實變相就係害左你, 等你沉迷係咁收料... 咁你永遠都只係浮係收料既階段, 永遠都唔會明白水晶真正既意思
所以我都唔打算再回覆你任何水晶能量比較問題, 因為水晶跟本無得用呢D衡量, 道不同, 不相為謀. 大家概念唔同~