水晶小舖討論版 http://www.crystalsellers.net

我係今日買黃晶手鏈個位~因為你今日鋪頭實在多人同太好生意啦~所以我都唔好意思阻你太耐,所以而家想問你,如果我同我細佬訓埋同一間room,咁如果係room度放黃晶大衛星陣,咁會唔會冇咁好架?因為如果係我啟動個大衛星陣,咁間room度有我同我細佬個磁場係度,咁個大衛星會儘量融合我既磁場定係會跟左我細佬個磁場架?定係兩頭唔到岸架?咁咪會冇咁有效囉?同埋我想問如果擺黃晶大衛星陣最好放係邊度好呀?如果係放財位既話,咁我都唔知放邊好~因為我都唔知個財位係邊~

同埋想問下黃晶柱有咩用架?係咪用黃晶柱打坐,會有助財運架?

唔好咁講, 多人你揀得唔順心, 我唔好意思就真~
如果你放七星陣既, 同其他人同房都無問題架~
唔會話比邊個邊個影響唔好, 反而係2個都好,
水晶會配合你地既氣場發揮佢最大既功效, 唔洗擔心^^
如果唔識風水既就咁放書台台頭就可以架啦

黃晶柱一樣可以招財, 我都有客買7條黃晶柱擺七星陣
用黎打坐當然可以啦, 除左財運好之外, 仲可以腸胃好D, 加強理性邏輯添

因為唔想比家人見到個七星陣,以為好迷信~
我想問下如果將黃晶七星陣放係衣櫃裹面,但係打開度衣櫃門,咁樣水晶既能量對我會唔會接收得冇咁好,定係放係個櫃頂會好d呢?

其實水晶既能量係唔會比任何事物阻隔, 佢既能量什至可以被借助用於一d追溯前世, 超越時空既治療之上, 水晶能量亦可被引渡入潛意識, 所以只一個衣櫃又點會有影響呢~ 只係好多人會覺得, 肉眼見到佢無遮無擋就覺得咁好d, 其實是無分別的~

我想問下可以訂一個黃水晶七星陣嗎?大約好似你之前幫客人砌個SIZE度~做番$1350呢個價唔知得唔得呢?我想係10月買,因為我係10月生日既,可以有折扣,又可以比D時間你可以去搵貨~

係咪$1380呢個
http://www.crystalsellers.net/catalog/p ... ts_id=3062

如果係既, 你要到時先再問我啦, 因為隔左幾個月, 我唔知到時仲有無貨同埋到時會咩野價. 有時隔左幾個月D石價升左就係升左, 都無辦法, 如果升得唔多又有石既, 我當然可以呢個價做番比你啦~

係呢個呀~好呀~咁我9月尾再問你啦~

無問題

我想問下黃晶六角柱組成既大衛星陣係咪強過用晶球架?
如果係我想搵黃晶六角柱組成既大衛星陣,咁個價錢有冇分別呢?
個SIZE會唔會冇咁人呢?

六角柱唔會有球咁清, 同埋貴d架~
要番咁既size既陣可能要過2000蚊

_________________
請各位網友注意：
請不要在未得我同意之下轉載我的回答到其他地方，
我是誠心義務去回答任何問題，
我會為我所回答的負責任，
但不需要他人『私下轉載』我的回覆到任何地方，
這是關乎互相尊重的問題，謝謝！